თამარობა 2013

14 მაისს ახალციხეში რაბათის ციხის ტერიტორიაზე, აღინიშნა თამარობის უდიდესი  დღესასწაული ,  სადაც მონაწილეობა მიიღეს, სხვადასხვა ქორეოგრაფიულმა და ფოლკლორულმა ანსამბლებმა

რატომ სჭირდებათ ორგანიზაციებს მოხალისეები?

მოხალისეს შეუძლია გააფართოვოს ორგანიზაციის სერვისები და დაეხმაროს ორგანიზაციას წამოიწყოს  ის საქმე, რის გაკეთებასაც ისინი სხვაგვარად ვერ ახერხებენ.

არსებობს სამუშაოს ისეთი სფეროები, სადაც ძალიან ბევრი სამუშაოა შესასრულებელი შტატისთვის და სადაც მოხალისეს შეუძლია გამოიყენოს თავისი რესურსები შტატის დასახმარებლად.

მოკლედ რომ შევაჯამოთ, მოხალისეობა ეს ისეთი სამუშაოა, რომელიც არ წარმოშობს არანაირ იურიდიულ ვალდებულებებს, თუმცა მნიშვნელოვან გავლენას ახდენს საზოგადოების განვითარებაზე. ადამიანს აქვს მოტივაციის მრავალი ფორმა იყოს მოხალისე. ორგანიზაციებში მეტად მნიშვნელოვან და ხშირად გადამწყვეტ როლსაც ასრულებენ მოხალისეები.

რატომ სურს ადამიანს იყოს მოხალისე?

მოხალისეობრივი საქმიანობის შესრულებას თან სდევს მრავალი მიზეზი. ადამიანებს გააჩნიათ მოტივაციის სხვადასხა ფორმები, რომ იყვნენ მოხალისეები. ასეთი მოტივაციის ფორმები შეიძლება იყოს:

კარიერის შექმნა და განვითარება, სხვების დახმარებისა და სოციალური სარგებლიანობის შეგრძნების სურვილი, ცოდნის გაღრმავებისა და ლიდერული უნარ–ჩვევების განვითარების სურვილი, საკუთარი CV_ს განვრცობის სურვილი, საკუთარი გამოცდილების გაზიარების სურვილი, ახალი ინტერესების სფეროს გაჩენის მოთხოვნილება, საკუთარი ინიციატივების განხორციელების სურვილი, ახალი ადამიანების გაცნობის სურვილი, თავისუფალი დროის სასარგებლოდ გამოყენების სურვილი, გართობის მოთხოვნილება და სხვა მრავალი.

მოხალისეობრივი სამუშაოს მაგალითები

არსებობს მოხალისეობრივი სამუშაოს მრავალი სახეობა. განვიხილოთ რამოდენიმე მათგანი:

1. უნარ–ჩვევებზე დამოკიდებული მოხალისეობა გულისხმობს შენი საკუთარი გამოცდილების გამოყენებას სხვათა დასახმარებლად რთულ სამუშაოებზე. მაგალითად სოფლის მეურნეობის საქმეები და სხვა;

2.  მოხალისეობა განვითარებად ქვეყნებში – ბევრი განვითარებადი ქვეყნის მოხალისე მუშაობს ბავშვთა და მოხუცთა თავშესაფრებში და მომსახურე პერსონალს ეხმარება;

3.  ვირტუალური მოხალისეობა – რომლის დროსაც მოხალისეები ინტერნეტის საშუალებით ავრცელებენ სხვადასხვა სახის ინფორმაციას;

4.  მოხალისეობა გარემოს დაცვის საკითხებში – გულისხმობს ისეთ მოქმედებებს, რომლებიც პირდაპირ კავშირშია ბუნებრივი პრობლემების გადაჭრასთან. მათი მთავარი მიზანია გარემოს მონიტორინგი, დაშავებული ცხოველების დაცვა , დასუფთავების აქციები და სხვათა განათლება ბუნების დაცვის საკითხებში;

5.  მოხალისეების მუშაობას ბუნებრივი კატასტროფების დროს ხშირად უდიდესი მნიშვნელობა ენიჭება;

6.  მოხალისეობა სკოლებში – მრავალი დაბალი სახსრების მქონე სკოლა დამოკიდებულია მოხალისეებზე. ამ დროს მოხალისეებს აქვთ საშუალება დაეხმარონ სკოლის მოსწავლეებს სწავლაში;

7.  საერთაშორისო სამუშაო ბანაკები – ეს არის საერთაშორისო მოხალისეობრივი პროგრამა, რომლის მონაწილეებს აქვთ საშუალება სხვადასხვა ქვეყნის წარმომადგენლებთან ერთად გადაწყვიტონ ბევრი საჭირბოროტო თემები.

ვინ არის მოხალისე?

მოხალისე, ეს არის ადამიანი რომელიც მუშაობს უსასყიდლოდ, თუმცა იღებს სანაცვლოდ არაფულად კომპენსაციას, მაგ: ინტერნეტი, საკვები, ტრენინგები და სხვა სახის სერვისები. ის აძლიერებს და აფართოვებს ორგანიზაციის შესაძლებლობებს, რადგან მას ახმარს საკუთარ ცოდნასა და უნარებს. ხშირად ბევრი ორგანიზაციისათვის მას სასიცოცხლო მნიშვნელობაც კი აქვს. ის არის ორგანიზაციაში მხოლოდ იმიტომ, რომ სურს იყოს მასში, ანუ არის მოტივირებული.

რა არის მოხალისეობა?

შესაბამისად მოხალისეობა–ეს არის სახალისო საქმიანობა, რომელიც ემსახურება თქვენი თავისუფალი დროის და ნიჭის საზოგადოებრივი საქმიანობის სასარგებლოდ გამოყენებას საერთო ინტერესების მქონე თანატოლებთან ერთად.

მოხალისეობა ითვლება ისეთ საქმიანობად, რომელიც აუმჯობესებს საზოგადოების მოქალაქეობრივ თვითშეგნებას, რომლის დროსაც შენ შენი საკუთარი ცხოვრების, გამოცდილებისა და უნარ–ჩვევების დახმარებით გარშემო მყოფ ადამიანებს ეხმარები და სიამოვნებას ანიჭებ.

მოხალისეობრივი საქმიანობის კრიტერიუმები

გამოყოფენ მოხალისეობრივი საქმიანობის ძირითად კრიტერიუმებს. ესენია:

1.     სოციალური სარგებლიანობა – მოხალისეობრივი საქმიანობა არსებითად მიმართულია არა თავად მოხალისის, არამედ საზოგადოების სასარგებლოდ. წარმოადგენს საზოგადოებისათვის სასიკეთო საქმეს და აქტუალური სოციალური პრობლემების გადაწყვეტისკენაა მიმართული;

2.      არამატერიალური სარგებლიანობის მიღება – მიუხედავად იმისა, რომ მოხალისე არ ღებულობს მატერიალური სახის სარგებელს, მას არა აქვს ალტრუისტის იმიჯი და მისი მოტივაცია არ შემოიფარგლება მხოლოდ სხვებზე ზრუნვით. მოხალისეობა შესაძლებლობას აძლევს პიროვნებას, ერთის მხრივ საკუთარი წვლილი შეიტანოს აქტუალური სოციალური პრობლემების გადაწყვეტის პროცესში, ხოლო მეორეს მხრივ მოახდინოს საკუთარი თავის თვითრეალიზაცია და შეიძინოს ისეთი უნარ–ჩვევები, რომლებიც დაეხმარება მას კარიერულ წინსვლასა და პიროვნულ განვითარებაში.

3.     მატერიალური დაინტერესების გარეშე – ეს მოხალისეობის ერთ–ერთი განმსაზღვრელი კრიტერიუმია, რომელიც ზემოთ ვახსენეთ, რომ მოხალისე არ იღებს ფულადი ან სხვა სახის მატერიალურ ანაზღაურებას. თუმცა ბევრი ორგანიზაცია ხშირად ახდენს მოხალისეების მოტივირებას ფულადი ანაზღაურებითაც;

4.     გათვითცნობიერებული აქტივობა – მოხალისეობა წარმოადგენს პიროვნების პირადი პოზიციის გამოხატულებას, რომელიც განპირობებულია ჰუმანური და მოხალისეობრივი იდეალების გათვითცნობიერების შედეგად;

5.      არამატერიალური სარგებლიანობის მიღება – მიუხედავად იმისა, რომ მოხალისე არ ღებულობს მატერიალური სახის სარგებელს, მას არა აქვს ალტრუისტის იმიჯი და მისი მოტივაცია არ შემოიფარგლება მხოლოდ სხვებზე ზრუნვით. მოხალისეობა შესაძლებლობას აძლევს პიროვნებას, ერთის მხრივ საკუთარი წვლილი შეიტანოს აქტუალური სოციალური პრობლემების გადაწყვეტის პროცესში, ხოლო მეორეს მხრივ მოახდინოს საკუთარი თავის თვითრეალიზაცია და შეიძინოს ისეთი უნარ–ჩვევები, რომლებიც დაეხმარება მას კარიერულ წინსვლასა და პიროვნულ განვითარებაში.

ჩემ შესახებ

მე ვარ - მიშო თამარაშვილი
ასაკი - 16 წლის
ადრე მეგონა რომ - უძლური ვიყავი...,
ყველაზე დიდი დანაკარგი - არასწორი გზით გადადგმული ყოველი ნაბიჯი
როდესაც მღალატობენ - ვეძებ დანაშაულს ან სისუსტეს საკუთარ თავში, ვცდილობ აღმოვფხვრა იგი და მოვიპივო საკუთარი თავის რწმენა. P.s ყოველი ღალატის შემდეგ უფრო ვძლიერდები
მაღიზიანებს - ადამიანები რომელთა მთავარი მიზანი ისაა, რომ არავის არ „ჩამორჩნენ“
ირონიული ვარ - თითქმის ყოველთვის J
მიყვარს - წვიმიან ამინდში სახლში თბილად ყოფნა, საკუთარ თავზე ჭორების მოსმენა ( რომელიც სინამდვილეს  არ შეესაბამება), როცა „ცდილობენ“ ჩემს დაჩაგვრას, როცა დიდი ხნის ყოყმანის შემდეგ გადაწყვეტენ გამიმხილონ ის რასაც უკვე დიდი ხანია ვხვდები
თავისუფალ დროს - ვცეკვავ, ვვარჯიშობ, გიტარაზე ვუკრავ და ვმღერი, ვუშლი ყველას ნერვებს ( ეს ჩემი საუკეთესო გასართობია)
ვნებდები - არასდროს!!!
არ მიყვარს - ტრაბახი, საკუთარი სისუსტის აღიარება, კომპლიმენტების თქმა ( არავისთვის!! ), ბოდიშის მოხდა, პოლიტიკაზე საუბარი, ადამიანების დამცირება და ხალხი ვისთვისაც ეს სულ ერთია, საკუთარი თავის შექება,  ადამიანები რომლებიც ცხვირს ყოფენ იქ სადაც მათ არაფერი ესაქმებათ.
ვცდილობ - გავიზარდო და საკუთარი თავი თავად შევქმნა, კერპი არასდროს მყოლია და არც მეყოლება
ადამიანს ვაფასებ - მისი ფასეულობების მიხედვით
ყველაზე მეტად მინდა - ადამიანები ამბობდნენ იმას რასაც ფიქრობენ
არასდროს - შევაქცევ ზურგს მეგობარს, მოვიპარავ, მოვკლავ კაცს, დავაყენებ ოჯახზე წინ რამეს, ვითამაშებ სხვის გრძნებებზე